Fransa ədəbiyyatı.
ONORE DE BALZAKIN “Qorio ata” romanından seçilmiş misralar…
***
Bu vadidə ancaq iztirablar həqiqidir, sevinclər isə çox zaman yalana bənzər; burada həyat o qədər dəhşətlə qaynayır ki, yalnız xariqüladə bir hadisə az-çox uzun müddət üçün təsir buraxa bilər.
***
Müvəffəqiyyətsizlik hər zaman arzularımızın qüvvəsini göstərir.
***
Bəlkə də yalnız allaha inananlar ürəkdən yaxşılıq etmək iqtidarındadır.
***
Qanunlar məcəlləsində bir maddə belə tapılmaz ki, axmaqcasına olmasın.
***
Haradan əmələ gəldiyi məlum olmayan bir çox böyük sərvətlərin sirri cinayətlə bağlıdır, bu cinayətin unudulmağına səbəb məharətlə edilməsidir.
***
Nəzakət ancaq aristokrat tərbiyəsi sayəsində əldə edilsə də, yalnız səmimi olduğu zaman öz kamil dərəcəsinə çata bilər.
***
Qüdrətli hisslərin insandan insana keçmək qabiliyyəti var. Ən nadan bir vücud belə həqiqi məhəbbətlə alışdığı zaman dərhal xüsusi bir şölə saçmağa başlayır, siması dəyişir, hərəkətləri canlanır, səsi ahəngləşir.
***
Səmimi hisslərin təsiri bəzən o qədər qüvvətli olur ki, onlar sükut içində bir müddət bir-birinin üzünə baxıb qalırlar.
***
Bu nalədə sanki dərinliklərə gedən, insan hisslərinin mənbəyi və sığınacağı olan məchul bir mərkəzdə gizlənmiş bir məhəbbətin son sədaları duyulurdu.
Hazırladı: YEGANƏ Əhmədova
