27 sentyabr-10 noyabr 2020- ci il!
Azərbaycanımızın hərb tarixinə,şərəf tarixinə qızıl hərflərlə yazılacaq,gələcək nəsillər üçün bir örnək olacaq 44 günlük Vətən müharibəsi!
Bu Vətən müharibəsinin zəfərlə başa çatması bir daha Ali Baş Komandan İlham Əliyevin nə qədər uzaqgörən bir siyasətçi,xalqına,millətinə layiqli bir lider olduğunu sübut etdi.
İlham Əliyevin rəhbərliyi altında müzəffər Azərbaycan ordusu 30 ilə yaxın erməni işğalçılarının tapdağı altında qalan müqəddəs torpaqlarımızı azad edərək bütün dünyaya sübut etdi ki,xalqımız heç vaxt əsarətlə barışmır,onun oğul və qızları ulu əcdadlarımızdan bizlərə miras qalan torpaq naminə şəhadət zirvəsinə yüksəlməyə ,sağlamlıqlarını qurban verməyə hazırdırlar.
44 günlük müharibədə erməni vandalları təkcə döyüş cəbhəsində yox,dinc Azərbaycan əhalisinə qarşı da əvvəlki vəhşiliklərini davam etdirirdilər.30 il ərzində qəsbkarlar işğal altında olan rayonların,şəhərlərin,kəndlərin bütün infrastrukturlarını məhv etmiş,tarixi abidələrimizi ,müqəddəs məscidlərimizi xarabazara çevirmişdilər.Bununla kifayətlənməyən düşmən 44 günlük müharibə dövründə döyüş bölgələrindən kənarda yerləşən Gəncə,Bərdə,Tərtər və digər yaşayış məntəqələrini də raket atəşinə tutaraq yüzdən artıq dinc insanın ölümünə və sağlamlıqlarının itirilməsinə bais olmuşdu.Ürək ağrısı ilə demək lazımdır ki,həlak olanlar arasında körpə və uşaqlar da var idi.
Düşmənə qarşı nifrət və intiqam hissi ordumuzun əsarətdə olan şəhər və kəndlərimizi qısa zaman kəsiyində bir-birinin ardınca azad etməsi ilə nəticələndi.
Noyabrın 8-də isə mədəniyyət beşiyimiz və simvolumuz olan Şuşa şəhəri işğaldan azad olundu.Şuşa əməliyyatı nəinki Azərbaycan,bütün dünya hərb sənətində misli görünməmiş əməliyyatlardan biri kimi qiymətləndirilir.
Məğlub olduqlarını etiraf etmək məcburiyyətində qalan Ermənistan dövləti və onun rəhbərliyi noyabrın 10-da kapitulyasiya aktı imzalamağa məcbur oldu.
Azad olunmuş torpaqlarda aparılan geniş bərpa və quruculuq işləri Qarabağımızın daha gözəl,daha abad olmasına gətirib çıxaracaq.
Müharibə qurbansız olmaz!Nə qədər ürək ağrısı olsa da,qəlbimiz fəxarət hissi ilə doludur.
Allah bütün şəhidlərimizə rəhmət eləsin,qazilərimizə sağlamlıq bəxş etsin.Müzəffər,qalibiyyətli ordumuz var olsun!
Müəllif: Günel Atakişiyeva
