NİZAMİ GƏNCƏVİ
“SİRLƏR XƏZİNƏSİ”NDƏN SEÇMƏLƏR
- Kim ki sözə söz qoşub, tapar haqqın səsini,
Sözlə iki aləmin açar xəzinəsini. - Şair ilə peyğəmbər – bir nigarın mərhəmi,
Peyğəmbərlə şair haqq, qalanlar haqq görkəmi. - Ürəyin dişlərilə qoparılmış söz, fikir
Torpağın dimdiyilə cilalanmış incidir. - Şairin ilham adlı cəsur bir atası var,
Dünyada oğul kimi ər misralar bağışlar. - Yer üzündə hər kəsin dosta ehtiyacı var,
İllah, elə dosta ki, dar gündə dada çatar. - Ey torpaq oğlu, yalnız torpaq örtər eybini.
- Od kimi iti getmək, yanıb kül olmaq asan,
Bəxtəvərlik odur ki, yolda yorulmayasan. - Sakit axan su kimi yaşamağı seç peşə,
Yüngül suyun qiyməti ağır olur həmişə. - Tikan olma, aldanma qızılgülün hüsnünə,
Önə bax, bənövşətək baş əymə öz köksünə.
